Arerio zuzenen aurka lortutako bi garaipenen ondoren, Bera Berak Bidebietako gotorlekua utzi du bihar 18:30etatik aurrera Monovar Urbacasasen kontra jokatzeko. Alakanteko taldea igo berria da, baina primeran ari da, eta gaur egun zazpigarren postuan dugu sailkapen nagusian.
Donostiarrak partidura joku maila altuarekin iritsiko dira, eta Sagunto eta Alicanteren kontra lortutako garaipenen ondoren moralez gainezka. Erronka etxean ematen ari diren maila kanpoan erakustea izango da.
Horretarako Reyes Karrerek ez du Alba Menendez izango. Zarauztar gazteak hernia diskala dauka, eta printzipioz denbora luze batez ezin izango da taldearekin aritu. Beste taldekide guztiak autobusez Alakantera bidean daude oraintxe.
Elda ondoan dagoen herri batean, Monovarren, Monovar Urbacasas taldea itxaroten ari da. Txapelketako izarretako bat ari dira izaten, maila harrigarria erakutsiz. Reyes Karrerek uste du “Ligako ustekabe nabarmenena dira. Denboraldi zoragarria ari dira egiten, Castro edo Leon bezalako taldeen aurretik egonda, teorikoki indartsuagoak direnak. Mailara segituan egokitu dira eta goruntza ari dira etengabe”.
Alakandarrak, Erreginaren Koparako sailkatuak, blokean dute euren bertute nagusia “partidu garrantzitsuetan bajak izan dituzte, euren jokalari on asko galdu dituzte, baina hala ere partidu horiek aurrera atera dituzte. Euren bertuterik onena talde lana da, blokea”. Hori dela eta, donostiarrak ezin dira konfiatu nahiz eta arerioak partidu honetarako euren goleatzailerik onena ez izan.
Bera Beraren helburua etxetik kanpo puntu gehiago ez alde egiten uztea da. Gipuzkoarren ahuldura bakarretakoa izaten ari da hau. Aldatzen ez bada, Reyes Karrerek gogoratzen du “indartsuak izango gara, baina ez horrenbeste”. Puntuak Donostiara ekartzeko kontzentrazio osoa beharko dute.
Donostiarrek humiltasunarengatik egiten dute apustu. Azken irteeran Vicar Goyarekin sufritu egin zuten, besteak beste. Etxetik kanpo puntu asko galdu dira, gauzak lanik egin gabe lortuko direla pentsatzeko. Itxakok eta Eldak ikusi dute aste honetan kalitatea ez dela nahikoa partiduak aurrera ateratzeko. Lana eta sakrifizioa dira jarraitu beharrako bidea.
Alakantetik esaten digutenaren arabera, larunbatean jokatuko den Monovar Urbacasa-Bera Bera ABF Ligako partidua irratitik jarraitzeko aukera egongo da. Entzuteko web orrialde honetara joan behar da: www.elrecord.net, non link bat “escuchanos” ematen den, zuzenean irratia entzuteko.
Larunbatean asteburu berri bat hasiko da Bera Beraren harrobiko taldeentzat, nahiz eta oraingoan txapeldunek, kadete eta jubenilek, atseden hartzeko aukera izango duten. Hori bai, bi talde hauetako hainbat jokalarik entrenamenduak izango dituzte Gipuzkoako selekzioekin.
Infantilak jo eta su jarraituko dute, eta lehen fase honetako azken aurreko jardunaldia jokatuko dute. Bera Bera Ak Leizaran Aren kontra oso partidu garrantzitsua jokatuko du larunbatean 10:45etan Andoainen. Bertako taldea zuzeneko arerioa dute donostiarrek ligako zazpigarren postua lortzeko, txapeldunen fasea jokatzeko txartela ematen duena. Bertan arituko da Bera Bera B, baina hobe bigarren geratzea hirugarren baino. Horregatik, Aiala Bren kontra partidua ere oso garrantzitsua da beraientzat. Hirugarren sailkatua da larunbateko arerioa, horregatik ez galtzea komeni da. Partidua 11:30etan izango da Bidebietan.
Bukatzeko, senior taldeak Bilboko La Salle-Ybarra kiroldegian jokatuko du igandean 12:30etan La Salleren kontra. Laugarren sailkapenean, donostiarrek jarraipena eman nahi diote pasa den astean Jaujaren aurka lortutako garaipenari.
Gipuzkoako adin guztietako selekzioak osatzeko garaia da, eta infantilen eta kadeteen deialdiak eman eta gero, gaur Gipuzkoako Eskubaloi Federakuntzak Bera Berari jubeniletako bere aurre zerrenda zein den esan dio, non klubeko bost jokalariren izenak azaltzen diren. Jokalari hauek kadeteetako bigarren urtekoak eta jubeniletako lehen urtekoak dira.
Otsailaren 5ean Tolosako Usabal Polikiroldegian 9:45etan, eta hilaren 13an, igandea, Andoaineko Allurralde Polikiroldegian 10:45etan, bi entrenamendu egingo dira, zerrenda definitiboa zeintzuk osatuko duten erabakitzeko.
Deitutako jokalariak hauek dira: Nora Azurmendi eta Maria Acuña kadete taldetik, eta Olatz Ramon, Izure Andres eta Uxue Ezkurdia jubeniletatik.
Bera Berak berri onak jasotzen jarraitzen du. Hurrengo igandean, otsailak 6, goizeko 10:15etan, Usurbileko Oiardo Udal Kiroldegian Gipuzkoako selekzioaren entrenamendu bat egingo da. Selekzio hau infantiletako bigarren urtekoekin eta kadeteetako lehenengo urtekoekin dago osatua. Entrenamendu honetarako gure lau jokalari izan dira deituak: Maitane Etxeberria infantil taldetik, eta Anne Valle, Udane Rodriguez eta Lide Lucas kadete taldetik. Zorionak neskak!
