Alba Menendez eta Esther Arrojeriaren erretiroen iragarpen zirraragarriaren ondoren, super amara Bera Bera errutinara itzuli da gaur goizean Guerreras Iberdrola Ligako 23. jardunaldiko lehia prestatze aldera. Donostiarrek bihar Barakaldoko Gorostiza kiroldegian – Lasesarrek arazoak izan ditu teilaturarekin–, Zuazo izango dute aurkari, gorantz datorrena baina puntu premia dituena Urrezko Mailara zuzenean ez jaisteko.
Zilarrezko mailaren azken jardunaldiari ekiingo dio bihar Bera Berak Aiala Zarautz hartuta Bidebietan 19etan,, partida irabazi eta, emaitzak lagun, sailkapenean bosgarren gelditze aldera. Igo berri den klubeko bigarren taldeak maila honetan egoteko gaitasuna erakutsi du. Ligari hasiera bikaina eman zion, aurreneko postuetan kokatuz, Colores liderra gainditu duen talde bakarra izan da eta txapelketaren erdialdean beherakada eman arren, ondo baino hobeto bukatu nahi du denboraldia. Aurrean Aiala Zarautz, denboraldi konplikatua daraman taldea, halere Aritzbatalden irabazteko gai izan zena. Beraz, lehia estua espero da gipuzkoarren arteko derbian. Gainera, biharkoan ere jokalari batzuk Zilarrezko mailari agur esango diote.
Bestetik, harrobiko beste hamar partida jokatuko dira asteburuan, Tolosan, Yoldin, Eibar, Arrasate, Hernani, La Salle eta Bidebietan.
Bera Bera eskubaloiko arduradun Tati Garmendiarekin batera, Fernando Diez Mintegi presidentea, taldekide eta entrenatzaile zein delegatu, Goizane Alvarez foru diputatu, besteak beste lagun, Alba Menendezek eta Esther Arrojeriak emozio handiko prentsaurrekoa eman dute Kirol Etxean, hedabide askoren aurrean, denboraldia amaitzean jardunean zegoen eskubaloitik erretiratuko direla iragartzeko. Hori bai, biek adierazi dute “hiru tituluak eraman nahi ditugula”, Liga ere irabazita, alegia.
super amara Bera Berak Morvedre gainditu du (36-25, 18-13 atsedenaldian) Gascan lehen hamabost minutuetan (4-10) atzetik joan ostean. Manu Etayoren taldearen defentsa aurreratuak arazo ugari sortu ditu donostiarrengan, eta Imanol Alvarezek 7x6a kokatzera eraman duen arte.
Atzo Loiun lur hartu, European Leagueko itzuleratik, eta super amara Bera Berak Guerreras Iberdrola Ligako 22. jardunaldiari ekingo dio, Morvedre taldearen aurka, bihar, asteazkena (20etan), Gascan (Raul Oyarzun eta Aritz Zaragueta, nafarrak), Europako erritmoa Ligako txapelketara eramateko asmoz.
