European Leagueko multzoen fasea jokatzeko helburua lortuta, igande honetan super amara Bera Berak bi koxka igo nahi ditu aldi berean, txapelketako final-laurdenetara igarotzeko aukera baitu. Horretarako, igandean punturen bat lortzearekin nahiko du HSG Bensheim/Auerbach Flames liderraren aurka Gascan (18etan) gainezka egongo delarik.
Espainiako selekzioak Lyndie Tchaptchet, Carmen Arroyo eta Anne Erauskin deitu ditu; argentinarrak, Elke Karsten eta Shula Gavilan eta Serbiak, Tamara Kostic. super amara Bera Berako sei jokalariek euren konbinatuekin kontzentratuko dira martxoaren 2tik 10era.
Lyndie Tchaptchetek super amara Bera Berarekin berritu egin du, gutxienez 2026ko maiatzera arte, bere ustez, “denboraldi t’erdi honetan pila bat ikasi dut, hobetu egin dut, eboluzionatu egin dut, oso pozik nago eta gehiago nahi dugu”. Klubaren aldetik, Tati Garmendia arduradunak azaldu duenez, “Lyndie funtsezko pieza da taldean eta Imanolen eskeman”.
Granollerseko Francesc Tarafa aretoan egin da gaur Erreginaren Kopako XLVI. edizioko zozketa non emakumezkoen eskubaloiko elitean denbora gehien daramaten bi taldeen arteko lehia ekarri du, hau da, super amara Bera Berak Rocasa Gran Canariaren aurka neurtuko ditu indarrak martxoaren 14tik 16ra Granollerseko Palau D 'Esportsek hartuko duen azken faseko lehen partidan.
Palais de Sports Robert Charpentier kiroldegian Paris 92 taldearen aurrean lortutako garaipenari esker (27-33) eta Fredrikstaden porrotarekin Alemanian, super amara Bera Berari urrats bat falta zaio European Leagueko final-laurdenetan egoteko. Parisek berriro irria ekarri du eta donostiarrek gaurtik Gascarako deia egiten dute giro aparta sortzeko otsailaren 23an, igandean 16ean.
