Saiorik gabeko astea igarota, super amara Bera Bera entrenaldieetara itzuli zen atzo, Ammman goizean eta Gasca kiroldegian arratsaldean, Guerreras Iberdrola ligara ahalik eta ondoren itzultze aldera, abenduaren 22an Granollersen izango dena. Partida hori iritsi bitartean bi lagunarteko jokatuko ditu, bihar asteazkena (17etan) Huerta del Rey pistan Caja Rural Aula de Valladoliden aurka eta Hernanin, abenduaren 16an larunbatean (18etan) Replasa Beti Onak izango du aurrean.
Kongoren aurka lortutako garaipenari esker, Argentinak bat egin zuen atzo Espainiarekin eta Brasilekin Main Round berean. Hau da, super amara Bera Berako Maitane Etxeberria, Mariane Fernandes, Malena Cavo, Shula Gavilan eta Elke Karsten jokalariek Danimarkako Fredrikshavnen elkarrekin jarraituko dute.
Lacturale Bera Berako kadete taldeak Zumaian lorturiko garaipeneari esker, Endañenta Pulpo (24-29) gaindituz, euskal ligari eutsiko diote Jubenil eta kadete taldeak, izan ere, ez daude bi talde bien artean batu dituzten puntuak gainditzen dituztenak. Aitzitik, Barakaldon bi partidak galduta, Herrería Bidebieta Bera Berako taldeek borrokan jarraitu beharko dute.
Senior mailan, Bera Bera aise menderatu zuen Leizaran eta sailkapenean sendo darrai.
Zazpigarren jardunaldiari ekingo diote Euskal ligako kadete eta jubenil mailetan, neske-mutiletan, hau da, hiru partida baino ez dira gelditzen eta mailari eusteko borrokan dira Lacturale Bera Bera eta Herrería Bidebieta Bera Berako taldeek. Larunbatean etxetik kanpo arituko dira, neskak Zumaian eta mutilak, Barakaldon. Oso irteera zailak gainera.
Joan den astean, June Loidik istripu txiki bat izan zuen, 20 kiloko pisua erori baitzitzaion eskuineko oinean, zehazki lehen falange distalean, eta horrek hainbat pitzadura eragin zizkion behatz horri.
