Astean zeharreko kalitatezko entrenamenduen islapena izan da asteburu honetako partidua.
Pretemporadan eginiko lagunartekoan geratutako arantza hori kendu nahi genuen hasieratik
eta partiduan zehar gure benetako jokoa erakutsi.
Hasiera puntuz nahiko parekatua izan zen baina gure sentsazioa ona zen (10-14).
Bigarren zatian sentsazio horiek egi bihurtzeko helburua jarri genien neskei eta horrela izan
zen, orain arte egin ez dugun partziala egitea lortu genuen (4-30). Defentsa gogorrak izanik,
Interreko neskei gauzak zailak jarriz, baloi lapurreta asko egin genituen, erasoan ausartak
izan eta aukeraketa onak eginez saskiraketa erosoak egitea lortu genuen.
Hirugarren eta laugarren laurdenetan, Interreko neskak asko itxi ziren zona barruan,
defentsa oso itxia egin ziguten. Hasieran ez genuen asmatzen egin beharreko jokoa,
barruraka sartu nahi genuen bai edo bai jokoa ondo ulertu gabe. Baina oraingo honetan ezin
zen hori egin eta beste bide bat aurkitu behar genuen. Neskak pixkanaka hori ulertu eta
beste baliabide batzuk erabiltzen hasi ziren, barrura sartu eta baloia azkar kanpora atera
kanpoko tiro azkarrak bilatzeko, parada eta tiro, bomba…. (9-6) (10-16).
Entrenatzaileok oso pozik gaude neskek eginiko lanarekin, entrenamendutan lantzen ari
garena praktikan jartzen ari direlako. Egunerokotasunean landutako finalizazio ezberdinak
egitera ausartzen ari direlako pixkanaka eta hori ezinbestekoa da jokalari bezala garatzen
joan daitezen.
Zorionak Neskak! Orain bi aste ditugu lanean gogor jarraitzeko eta hurrengo partiduan
pausu bat gehiago emateko.
Hurrengo partidua, Manteo kiroldegian Abenduaren 14ean goizeko 10:30tan
GU GERA GERA BERA BERA
