Gipuzkoa Poliklinikan atzo egin zioten erresonantziaren arabera, Super Amara Bera Berako eskuin hegalari Malena Cavok hautsita dauka eskuin belauneko kanpoko meniskoa, eta ebakuntza behar du.
Asteleheneko entrenaldian, internazional argentinarrak zartako bat sentitu zuen eskuin belaunean baloi bat estu harrapatu zuenean. Ondorengo miaketetan eta probetan arabera, traumatologoak ebakuntza kirurgikoa gomendatzen du. Jokalariaren asmoa da ahalik eta lasterren egitea kirurgia hori, ziurrenik datorren astean. Errekuperazio epea, berriz, ebakuntzaren araberakoa izango da.
