Asteburuari begira hitzordu nagusiena igandean izango da Zumarragan, non Herrería Bidebieta Bera Berak eta Urolak Federazio garaikurra A multzoko lidergoa izango dute jokoan azken jardunaldian. Egun donostiarrak aurretik dira baina bi puntura dute Urola. Leku berean, baina larunbatean, elkarren aurka arituko dira bi taldeak kadete mailan.
Bestetik, Artalekun jokatuko dute senior mutilek eta igande goizean infantil mailako partida guztiak. Azkenik, Lacturale Bera Berak Ermuan lagunartekoa jokatuko du, donostiarrei ondo etorriko zaiena Kadete mailako Kopa prestatzeko –maiatzaren 10etik 12ra bitartean- eta bizkaitarrei lauko finala.
