Pasa den asteburan, zubia izanda, bi partida baino ez ziren jokatu baina asteburu honetan ia talde guztiek dute hitzordua, gehienak larunbatean.
Bidebietak, esate baterako, bost partida hartuko ditu larunbatean: 10,15etan senior mutilak Egiarekin; kadete neskak 12,30etan Muttarperekin; eta arratsaldean Euskal Ligakoak: senior neskek Zuazo izango dute bisitari 16,10etan; Lacturale Bera Bera kadete eta jubenil taldeek Zarautz izango dute aurkari, 18,10etan eta 20etan.
Bestetik, Euskal Ligan ere Herrería Bidebieta Bera Bera kadete eta jubenil taldeak Zumaian arituko dira 17,45etan eta 19,30etan.
Azkenik, infantil mailako taldeak Yoldin izango dituzte hitzorduak. Mutilek Urola hartuko dute 10etan eta Bera Bera Laranja neskek Aloña Mendi, 11,30etan. Bera Bera urdina nesken taldeak Arrasaten jokatuko du goizeko 10etatik aurrera. Eta alebin taldeak Elgoibar aurkari izango dute Yoldin igandean 10etan.
