Bera Bera Eskubaloiko harrobiko taldeek hiru norgehiagoka jokatuko dituzte asteburu honetan eta, era berean, lagunarteko bat Zumarragan.
Batetik, emakumeen senior taldeak, Egia Baztarre Taberna taldearen aurka Euskal Kopako finalaurrekoari ekingo dio larunbatean 12etan Egian. Urriaren 12an izango den finalerako txartela dago jokoan eta beste finalerdian Zuazo eta Ameztoi Zarautz arituko dira Lasesarren 20etan.
Bestetik, larunbatean 16,30etan Lezoko Bekoerrota kiroldegian Bera Berako gizonezkoen senior taldeak partida ofizial bati ekingo dio aurreneko aldiz, bertako Munttarpe taldearen aurka Gipuzkoako lurraldeko txapelketan debuta eginez.
Azkenik, Gipuzkoako txapelketan ere arituko den Bera Bera Urdina kadete taldeak Hernanin egingo du estrenaldia larunbatean 10etan eta ordu eta egun berean, Bera Bera Urdina infantil mutilek lagunartekoa jokatuko dute Urolarekin Zumarragako Ispillan.
