Astebururako Euskal Kopari ekingo diote senior, kadete eta jubenil mailako taldeek. Etxean arituko dira Senior taldea eta Herrería Bidebieta Bera Bera kadete mutilak. Senior taldeak Bidebietan 16,10etan Zarautz hartuko du eta mutilek, Muskiz 18,10etan.
Lacturale Bera Bera jubenil nesken taldeak Zarauzko Aritzbatalde kiroldegian hasi du Euskal Kopako ibilbidea (larunbatean 13ean) eta Herrería Bidebieta Bera Bera mutilen taldeak Irunen Bidasoarekin igandean 12etan Artalekun. Lacturale Bera Bera kadete neskak Zarautzen ere jokatuko dute, Aritzbatalden igandean 11,30etan.
Bestetik, Gipuzkoako txapelketan arituko diren Bera Bera Kadete urdina nesken taldeak eta mutilen senior taldeak, sortu berria, lagunartekoak jokatuko dituzte, neskak igandean Beraunen 11,30etan Ereintzarekin arituko dira eta mutilak Zumaian, Pulporekin, larunbatean 17,30etan.
