Zazpi partida jokatuko dituzte asteburu honetan harrobiko taldeek. Azpimarragarrienak, Euskal Ligakoko jubenil eta senior mailakoak, izan ere, Lacturale Bera Bera jubenil taldeak urrats erabakiorra eman dezake Urduliz gaindituz gero eta senior mailan, Bera Bera Ameztoi Zarautz liderra hartuko du sailkapena irautze aldera. Biak larunbat arratsaldean Bidebietan.
Halere, arratsaldea 16etan hasiko da Bidebietan. Izan ere, Gipuzkoako txapelketan, Herrería Bidebieta Bera Bera jubenil taldeak Bidasoa hartuko du lidergoan jarraitzeko asmotan eta kadete mailako taldeak Gascan jokatuko dute igande goizean.
Bost neska, Euskadiko selekzioekin
Igandean Nafarroan, infantil eta kadete mailako Euskadiko selekzioek hitzordua dute. Elizondon arituko dira infantil eta kadete neskak, bertan izango dira June Lasa infantila eta Oihana Murgiondo kadetea, Nafarroa eta Pirioneor Atlantiko selekzioen aurka jokatuko dutelarik. Azkenik, Maren del Campo, Haizea García eta Eider Tapiak hitzordua dute igandean, 17,45etan Elgoibarren.
