
Liderraren aurkako garaipena eta dagoeneko seigarrena jarraian SALTO Bera Berarentzat, taldeak baja ugariei aurre egiten jakin zuen eta partida serio bat planteatuz azken unera arte garaipena lortu zuen eraginkorra izan zen Adein Tenerife Fundación CBCren aurka. Bidebietan giro bikaina egon zen, harmailak beteta eta atsedenaldian auzoko inauterien animazioarekin.

Bost garaipen jarraian lortu ostean, liderrak Bidebieta bisitatuko du. Martxoaren 15ean, larunbata, 18:00etatik aurrera, partidazo bat biziko dugu Tenerife Fundación CBC taldearen aurka. Fitxaketa ugariko taldea da eta ligako faboritoetako bat.

SALTO Bera Bera-k Ate Irekien Jardunaldia antolatu du datorren martxoaren 7an, ostirala, 19:00etan Bidebietako kiroldegian, gurpil-aulkiko saskibaloia ezagutu eta praktikatu nahi duten guztientzat.

SALTO Bera Berak bosgarren garaipena jarraian lortu du eta sailkapeneko hirugarren postura igo da, Abeconsa Basketmi Ferrol taldeari 41-59 irabazi ondoren. Partida uneoro kontrolpean izan zuen talde donostiarrak, eta bajek ez zuten arazorik sortu. Espero dugu hurrengo partidarako, bigarren sailkatuaren aurka Bidebietan, jokalari guztiak prest egotea.

SALTO Bera Berak bosgarren garaipena jarraian bilatuko du datorren larunbatean, martxoaren 1ean, 17:30ean, Ensanche kiroldegian, Abeconsa Basketmi Ferrol taldearen aurka. Sailkapenean azkenaurreko dagoen taldea izanik, aukera paregabea izango da Iker Iglesiasek zuzentzen dituen mutilek puntuak eskuratzeko, denboraldiko zati gogorrenari aurre egin aurretik.