Larunbatak 12 an 18:00 tan Akabak Lizarrako Itxakoren aurka jokatzen zuen, bi taldeen europarako postua lortzeko ahaleginentzat partidu garrantzitsu batean.Aukera honetan donostiakoak ezin izan zuten lizarrako taldea gainditu eta europako postua lortzeko aukera korapilatu egin zaie. Partidua bi taldeek elkarren artean azaldu zuten errespetuagatik bereizia izan zen eta bi taldeen jokauan eragin haundia izan zuen. Defentsak oso indartsu izan ziren eta bi taldeen urdiritasunak bi taldeak inoiz baino akats gehiago izatea eragin zuen. Lehen zatian, hasierako berdinketaren ondoren, nafarroakoak 15. minutuan abantaila hartzen joan ziren, eta donostiakoen ezinaren aurrean, atsedenera 6 goleko errentantarekin heldu ziren (15-9). Bigarren zatian Akaba markagailuari bira emateko gogoz atera zen, erasoa azkartuaz eta defentsa gogortuaz, baina bi goleko aldearekin jartzea lortu arren, Itxakok azken minutu arte presioa mantentzea lortu zuen. Donostiatik zale ugari hurbildu ziren eta partidu guztian zehar taldea animatzen egon ziren. Donostiakoen golegile haundiena Esme Lopez izanzen 6 golekin. Hurrengo partidua Bidebietan izango da, larunbatak 26 an, 19:30 tan, Eldaren aurka. Epaileak asturiaseko Fernandez eta Lopez Rodriguez izango dira. Donostiakoak partiduaren garrantziaz jakitun dira eta europan parte hartzeko postuetan mantentzeko puntuak lortzea beharrezkoa bihurtu da.
Larunbatak 5 ean 19,30 tan, Bidebietara Kataluinako Arrahona taldea etorri zen, sailkapeneko azken aurreko postuan aurkitzen den taldea. Bertan Bera Berako Eider Rubio jokalari oia zegoen eta harmailetan senide eta lagunengatik babestua eta animatua izan zen. Partidua espero zen bezala, jokatu beharreko partidua izan zen besterik gabe eta lehen zatian donostiakoak defentsan zenbait arazoekin, kataluinakoei joku eroso bat egiten utziaz, atsedenera alde minimoarekin iritsi ziren 14-13. Bigarren zatian berriz partiduari bira eman eta pixkanaka Akabak gora egin zuen, azkartasun eta bizkortasun haundiarekin. Aipagarria Anna Andryushchenkok jokatutako partidua, 5 gol egin zituen eta aurkako defentsa behin eta berriz puskatzea lortu zuen, penaltiak eta kanporaketak behartuz. Era berean aipatzekoa da Nely Carlak azaldutako eraginkortasuna goleagile bezala, jaurtitako 10 penaltiak sartu eta guztira partidua 14 golekin amaitu zuen. Akabaren hurrengo partidua nafarroako lurretan izango da Lizarrako Itxakoren aurka, bi taldeentzat garrantzi haundiko partidua izango dena. Partiduko epaileak Muro eta Rodríguez internazionalak izango dira eta larunbatak 12 an 18:00 tan jokatuko dute.
Talde kadeteak Zarautzen, igandeak 6 ean, 12:15 tan, partidu polita jokatu zuen eta hasieratik markagailuan aurrea hartu zuten. Aipagarriak Nahiara Silva 8 golekin eta Enara Martinez 6 golekin. Atsedenera 8-12 ko emaitzarekin heldu ziren.Hau ligako azken partidua izan zen eta Bera Berako neskek sailkapeneko 3. postua lortu dute. Jokatuko duten hurrengo partidua Gipuzkoako Kopakoa izango da, igandeak 27 an, 12:00 tan, Bidebietan Urnietako taldearen aurka. Talde jubenilak Eibarren Arraten aurka jokatu zuen, larunbatak 5 ean, 17:00 tan, eta bertan bi taldeen artean dagoen aldea argi ikusi zen. Donostiakoak partidu polita jokatu zuten eta atsedenera aldeko 9-13 emaitzarekin heldu ziren. Bigarren zatia lehenaren antzekoa izan zen eta 18-25 eko azken emaitzarekin amaitu zen partidua. Aipagarria berriz ere Naiara Elgarresta 13 golekin. Hurrengo partidua Bidebietan jokatuko dute, igandeak 13 an, 10,00 etan Legazpiaren aurka, Federazio Txapelketako azken partidua izango da eta Bera Berako neskak txapeldun bezala amaituko dute.
Larunbatak 5 ean, 17:00 tan jubenilak Eibarren Arrateren aurka jokatzen dute, irabazi beharreko partidua da Federazio Txapelketan lehen postuan mantentzeko. Igandeak 6 an, 12:30 tan Kadeteak Zarautzen jokatuko dute eta garaipena lortuz gero, Federezio Txapelketan hirugarren postua mantenduko dute.
Kataluinako taldea Bidebietara datorren lehen aldia izango da eta partidua larunbatak 5 ean, 19:30 tan jokatuko da. Talde honetan Eider Rubio Bera Berako jokalari oia eta Svetlana Rozintseva Corteblanco jokalari oia (errusiar atezain internazionala) aurkituko ditugu. Arrahona beheratze postuetan aurkitzen da eta liga txapelketa amaitzeko geratzen zaizkion partiduetan emaitza positiboak behar ditu, eta Bidebietara intentzio horrekin helduko da. Donostiakoak argi ibili beharko dute europako postua mantentzeko eta azken partidutako erritmoarekin jarraitzeko, ligako azken partiduak sailkapeneko lehen taldeen aurka jokatu behar dute eta (Itxako, Elda, Ferrobus, Osito eta Vicar ). Partiduko epaileak Euskadiko Bañuelos eta Karrera izango dira.
